KSP (Kulang sa pansin) ???

Bakit nga ba may mga taong nakakairita na, mas gumagawa pa ng way para makairita at makainis pa sya ng ibang tao? Natanong ko ito dahil meron akong isang taong laging nakakasabay sa FX papasok ng trabaho, ewan ko ba nagkakataon talaga na kapag maaga akong pumapasok eh nakakasabay ko yun. Bat ko nasabing nakakairita? Ganito kasi yun, lagi nyang hawak ang kanyang celphone, so madalas syang nag tetext sa kahabaan ng byahe. Ok lang naman sana yun kasi may mga tao talagang mahilig mag text, pero ang sa tingin ko na hindi normal eh yung tapusin mo yung buong incoming texttone mo na pagkalakas-lakas bago ka mag press ng keypad mo. Ok lang din sana kung yung texttone mo eh yung default lang na 2 beeps lang, ang kaso mo isang buong kanta ang texttone nya. In fairness maganda naman yung song kung isang beses mo lang pakikinggan, ang kaso mo sa dalas nyang mag text at sa dalas ng incoming text nya nakakairita na talaga na paulit-ulit yung kanta, na nakikipag kumpetensya pa sa lakas ng radyo ng FX yung volume (minsan naman walang sounds sa FX kaya yung celphone nya lang ang maingay). At ito pa syempre sa byahe may mga taong ang ugali eh umidlip di ba? Kung nakikita naman nya sanang may natutulog ano ba naman yung i silent mode na lang at i-on yung vibrate ng kanyang celphone para di naman masyadong nakakaabala din sa ibang pasahero. Ang kaso hindi rin eh, minsan pati sya nakakatulog sa byahe na kung minsan eh talagang from start-chorus-ending ng tone nya eh tulog sya. Hindi ko tuloy malaman kung may problema sya sa pandinig or ugali na nyang mambwisit ng iba or talagang agaw eksena (in short KSP) lang sya? Obvious ba na naging successful sya sa pambubwisit, at isa na ako sa nabiktima nya. (Tao lang minsan kasi nakakapuno na rin eh) Pero ano pa nga bang magagawa ko, kundi ang magpasensya na lang sa tuwing makakasabay ko sya di ba? Basta dedma na lang, mukhang masasanay rin ako sa kanya kung lagi ko syang makakasabay hehehe.